Prokurori i SPAK, Adnan Xholi është kandidati i parë që ka dorëzuar zyrtarisht aplikimin për garën për Prokuror të Përgjithshëm. Xholi ka kandiduar edhe më parë dy herë për drejtues të SPAK-ut dhe ka mbajtur postin e shefit të Seksionit Kundër Krimit të Organizuar në Prokurorinë e Posaçme.
Afati për paraqitjen e kandidaturave përfundon më 1 gusht, ndërsa mandati i Olsian Çelës mbyllet në muajin dhjetor. Deri atëherë pritet të paraqiten edhe kandidatë të tjerë.
Më pas, deri më 14 gusht, KLP do të verifikojë nëse kandidatët plotësojnë kushtet ligjore. Sipas ligjit, KLP i propozon Kuvendit tre kandidatë, ndërsa Prokurori i ri i Përgjithshëm zgjidhet nga Parlamenti për një mandat 7-vjeçar.
