Aktorja e njohur Hayden Panettiere ka bërë një rrëfim tronditës në librin e saj të ri autobiografik “This Is Me: A Reckoning”, ku pretendon se një “aktor dhe regjisor fitues i Oscar-it” i është ekspozuar në mënyrë të papërshtatshme kur ajo ishte vetëm 19 vjeçe.
Aktorja e serialit “Nashville”, tashmë 36 vjeç, tregon se ngjarja ndodhi pasi një shoqe e ftoi në një festë në apartamentin e saj në Los Feliz, Kaliforni.
Sipas Panettiere, në festë ndodheshin vetëm ajo, shoqja e saj dhe një grup i vogël burrash që po bisedonin, pinin dhe konsumonin marihuanë. Ajo thotë se u ndje menjëherë në siklet.
“Këta burra dukeshin shumë të afërt me njëri-tjetrin, sikur dinin diçka që unë nuk e dija,” shkruan ajo në libër.
Aktorja rrëfen se teksa po largohej nga festa, fituesi i Oscar-it iu afrua për t’i uruar natën e mirë dhe e paralajmëroi të bënte kujdes, duke pretenduar se dikush kishte hedhur çamçakëz në tokë dhe i ishte ngjitur në pantallona.
Kur ajo uli shikimin, situata mori një kthesë tronditëse.
“Pashë poshtë dhe u tërhoqa menjëherë. Testikujt e këtij aktori të respektuar dhe fitues çmimesh po dukeshin nga zinxhiri i hapur i pantallonave,” shkruan Panettiere.
Megjithatë, aktorja thekson se edhe pse incidenti nuk e dëmtoi emocionalisht, e la të shokuar.
“Burrat në Hollywood kishin qenë gjithmonë të sjellshëm dhe respektues me mua. Mund të kishte pasur ndonjë puthje në buzë apo ndonjë koment të papërshtatshëm, por asgjë nuk e kishte kaluar kufirin,” shprehet ajo.
Në librin e saj, Panettiere flet edhe për marrëdhënien e dhunshme me ish-partnerin Brian Hickerson, lidhjen me bashkëaktorin Milo Ventimiglia, si dhe për raportin e komplikuar me nënën e saj, Lesley Vogel.
