Modelja Kendall Jenner dhe aktori Jacob Elordi thuhet se janë në një lidhje që prej muajit shkurt.
Dyshja ngriti për herë të parë dyshimet për romancë kur u raportua se ishin “duke u puthur” dhe shumë të afërt me njëri-tjetrin në festën pas Coachella 2026, organizuar nga Justin Bieber.
Megjithatë, sipas raportimeve të mediave të huaja, lidhja e tyre ka nisur prej rreth dy muajsh. Një burim ka treguar se ishte motra më e vogël e Kendall, Kylie Jenner, ajo që luajti rolin e “shkueses” mes tyre.
Sipas të njëjtit burim, Kylie e njihte mirë Elordin gjatë sezonit të çmimeve, pasi ai ishte i nominuar për filmin Frankenstein, ndërsa partneri i saj, Timothée Chalamet, ishte gjithashtu në garë për një projekt tjetër filmik.
“Kylie mendoi se Jacob do ishte shumë i përshtatshëm për Kendall dhe e nxiti të fillonte një lidhje me të”, ka thënë burimi, duke shtuar se ajo ishte vendimtare për ta nxjerrë aktorin nga “zona e miqësisë”.
Katërshja – Kendall, Kylie, Elordi dhe Chalamet – raportohet se kanë kaluar kohë së bashku në takime të ndryshme në Los Angeles, ku edhe është forcuar afrimiteti mes modeles dhe aktorit.
Më herët, Kendall Jenner ishte e lidhur me artistin Bad Bunny, ndërsa ka pasur lidhje edhe me basketbollistin Devin Booker dhe këngëtarin Harry Styles.
Nga ana tjetër, Jacob Elordi ka qenë më parë në një lidhje me influencuesen Olivia Jade Giannulli, si dhe me modelen Kaia Gerber dhe aktoren Joey King.
