Aktorja Kelly Rutherford ka zgjedhur të qëndrojë larg dramës ligjore mes ish-bashkëpunëtorëve të saj në Gossip Girl, Blake Lively dhe Justin Baldoni.
Në një intervistë për Daily Mail, Rutherford – e njohur për rolin e Lily van der Woodsen – u shpreh se nuk është e informuar për zhvillimet e fundit në këtë çështje.
“Nuk di shumë për të, të jem e sinqertë. E di që është në lajme, por nuk jam e përfshirë,” tha ajo.
Deklarata vjen pasi një gjykatës në Nju Jork hodhi poshtë të gjitha akuzat për ngacmim seksual të ngritura nga Lively ndaj aktorit. Nga 13 akuza fillestare, tashmë kanë mbetur vetëm tre: shkelje kontrate, hakmarrje dhe ndihmë në hakmarrje.
Pavarësisht dramës ligjore, Rutherford u shpreh e hapur për një rikthim në universin e Gossip Girl, duke sugjeruar një spin-off me kastin origjinal.
“Do të më pëlqente shumë një spin-off. Ishte një eksperiencë fantastike dhe mendoj se publiku do donte të shihte rikthimin e personazheve origjinal,” tha ajo.
Seriali Gossip Girl u transmetua nga viti 2007 deri në 2012, ndërsa një reboot në 2021 nuk arriti të kishte të njëjtin sukses dhe u anulua pas dy sezonesh.
Rutherford shtoi se vazhdon të mbajë kontakte me disa nga ish-kolegët, përfshirë Taylor Momsen dhe Ed Westwick, por theksoi se të gjithë janë të angazhuar me jetën dhe familjet e tyre.
Ndërkohë, beteja ligjore mes Blake Lively dhe Justin Baldoni pritet të vazhdojë, me gjyqin e radhës të planifikuar për muajin maj.
