Flash

Refuzohet kërkesa e Kim K: marrëveshja me Ray J drejt publikimit

Lapsi.al 2 April 2026
Refuzohet kërkesa e Kim K: marrëveshja me Ray J drejt publikimit

Kim Kardashian dhe Kris Jenner kanë humbur betejën ligjore për të mbajtur private disa pjesë të marrëveshjes së vitit 2023 lidhur me kasetën seksuale me Ray J, sipas dokumenteve gjyqësore të paraqitura në Los Anxhelos.

Dyshja kërkoi muajin e kaluar që detajet e marrëveshjes të mos bëheshin publike, duke argumentuar se publikimi i tyre do t’i shkaktonte “dëm të konsiderueshëm” privatësisë së tyre.

Megjithatë, këtë javë, gjyqtari Steven A. Ellis vendosi se Kardashian dhe Jenner “nuk paraqitën asnjë provë të pranueshme” që publikimi i marrëveshjes do t’i dëmtonte ato.

Ai shtoi se argumentet e tyre ishin “tepër të paqarta, spekulative dhe të pambështetura” për të justifikuar mbajtjen sekret të dokumenteve.

Gjykata theksoi gjithashtu se çështja nuk lidhet me faktin që Kardashian ka kryer akte seksuale, pasi kaseta në fjalë “është bërë tashmë publike prej kohësh”.

Në fund, kërkesa e Kardashian dhe Jenner u rrëzua pothuajse plotësisht, me përjashtim të disa të dhënave sensitive si numrat e llogarive bankare.

Përplasja e fundit ligjore mes palëve nisi në tetor, kur Kardashian dhe Jenner paditën Ray J për shpifje, pasi ai pretendoi se po bashkëpunonte me autoritetet për një çështje të mundshme kundër tyre.

Në nëntor, Ray J reagoi duke i paditur ato, duke i akuzuar se kishin shkelur marrëveshjen duke diskutuar kasetën seksuale në emisionin e tyre televiziv.

Sipas raportimeve, marrëveshja e vitit 2023 ishte nënshkruar nga të katër palët (Kardashian, Jenner, Ray J dhe nëna e tij) dhe synonte të mbyllte të gjitha mosmarrëveshjet e kaluara dhe të ardhshme lidhur me këtë çështje. Thuhet se Ray J ka përfituar rreth 6 milionë dollarë nga kjo marrëveshje.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI