Një aksident ka ndodhur mbrëmjen e sotme në aksin nacional Korçë-Maliq, ku si pasojë janë plagosur tre persona.
Nga përplasja kanë mbetur të lënduar tre pjesëtarë të një familje, përkatësisht babai dhe dy fëmijët e mitur. Ata janë transportuar me urgjencë drejt Spitalit Rajonal të Korçës ku po marrin mjekimin e nevojshëm. Ndërkohë, Policia ndodhet në vendin e ngjarjes për zbardhjen e rrethanave të plota të aksidentit.