Flash

Tabaku ngre shqetësimin: 90 familje në rrugë, “Made in Albania” po shuhet nga taksat

Lapsi.al 27 February 2026
Tabaku ngre shqetësimin: 90 familje në rrugë, “Made in

Deputetja e Partisë Demokratike, Jorida Tabaku, vizitoi sërish një fabrikë fasonerie, ku ngriti alarmin për thellimin e krizës në prodhimin vendas dhe mbylljen e bizneseve që deri dje eksportonin produkte “Made in Albania”. Gjatë vizitës, Tabaku tregoi se fabrika që pak muaj më parë kishte 120 punonjës, sot ka mbetur me vetëm 30. Sipas saj, mbi 90 familje kanë humbur vendin e punës, ndërsa makineritë e pluhurosura janë simbol i një sektori që po shuhet për shkak të politikave të gabuara ekonomike.

“Këto janë produktet e fundit ‘Made in Albania’ që ky biznes ka prodhuar në tetor të vitit të shkuar. Fatkeqësisht, si rezultat i taksave të larta, pagesës së inputeve në doganë, zhvlerësimit të euros dhe rritjes së vazhdueshme të pagës minimale, këto biznese po mbyllen,” u shpreh Tabaku.

Ajo theksoi se barra fiskale po rëndon njëkohësisht mbi punëmarrësit dhe punëdhënësit, duke e bërë të pamundur mbijetesën e sektorit fason, një nga sektorët më të rëndësishëm për punësimin dhe eksportet në vend.

“Ky biznes deri dje kishte 120 punonjës. Sot ka vetëm 30. Makineritë e pluhurosura nuk janë thjesht pajisje pune, janë mbi 90 familje të hedhura në rrugë, mbi 90 punonjës pa të ardhura,” deklaroi deputetja e PD-së. Tabaku e cilësoi situatën si një kambanë alarmi për ekonominë shqiptare, duke theksuar se zhvlerësimi i euros po nxjerr nga tregu bizneset e ndershme dhe po godet drejtpërdrejt prodhimin vendas.

Ajo bëri thirrje që çështjet e biznesit dhe të prodhimit shqiptar të mos ndahen sipas vijave politike, por të trajtohen si një emergjencë kombëtare. “Këto janë çështje që duhet ta bashkonin politikën. Alarmi për një ekonomi të kapur në pak duar ka vite që troket në dyert e ekonomisë, por sot është bërë realitet,” u shpreh Tabaku. Sipas saj, ndryshimi i politikave fiskale dhe mbështetja reale për produktet shqiptare janë thelbësore jo vetëm për të rikthyer prodhimin “Made in Albania” në tregje, por edhe për të garantuar një të ardhme për familjet që sot po përballen me papunësi dhe pasiguri ekonomike.

Të këshilluara

Këmbimi valutor, 27 shkurt 2026

Në tregun e këmbimit valutor shqiptar, euro do të blihet me 96 lekë dhe do të shitet me 96.7 lekë, ndësa një dollar amerikan do të blihet sot me 81.1 lekë dhe d...

08:23

Parashikimi i motit për këtë të premte

Ditën e premte vendi ynë do të ndikohet nga kushte atmosferike të qëndrueshme. Moti parashikohet i kthjellët në të gjithë territorin, ndërsa vranësirat të pa...

07:20

Rama: Fletëthirrjet e SPAK si bileta teatri

Kryeministri Edi Rama në fjalën e mbajtur në mbledhjen e grupit të PS të enjten nuk i kurseu kritikat ndaj sistemit të drejtësisë dhe prokurorëve të SPAK. Ra...

12:59

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI