Banorët e fshatit Tërpan në bashkinë Poliçan protestuan sot duke bllokuar rrugën nacionale Tërpan-Përmet. Ata ankohen se ndërtimi i rrugës Tërpan-Ballaban-Përmet ka bllokuar hyrjen në fshat dhe plantacionet e ullinjve. Sipas banorëve, ndërtimi pengon qarkullimin e mjeteve dhe bllokon kanalet kulluese që shkaktojnë përmbytje.
Administratori i Njësisë Tërpan, Fatmir Çela, tha se banorët kanë të drejtë dhe shqetësimi i tyre është përcjellë në bashkinë Poliçan, e cila ka premtuar ndërhyrje të menjëhershme për hapjen e rrugës hyrëse. Çela shtoi se firma ndërtuese mban përgjegjësi për gurët dhe dëmet nga punimet, ndërsa cilësia e rrugës aktualisht është e dobët, me çarje dhe rrëshqitje në disa segmente të asfaltuara.
