Ditën e martë moti parashikohet me vranësira mesatare deri të dendura. Reshjet e shiut parashikohen të jenë prezente që në orët e para të 24-orëshit deri në mëngjes me intensitet të ulët dhe mesatar, në formë shtrëngatash afatshkurtra në pjesën më të madhe të territorit. Në jug në orët e para të mëngjesit reshjet priten me intensitet deri të lartë, në intervale të shkurtra kohore. Gjatë ditës reshjet e shiut pritet të vijojnë të herëpashershme. Hera-herës lokalisht do të ketë shtrëngata afatshkurtra.
Era do të fryjë me drejtim perëndim-veriperëndim me shpejtësi mesatare 9 m/s. Përgjatë vijës bregdetare dhe në zonat luginore ajo do të ketë shpejtësi deri në 24 m/s.
