Policia njoftoi se rreth orës 14:10, në aksin rrugor Lezhë – Shkodër, në vendin e quajtur kryqëzimi i Gjadrit një automjet me drejtues shtetasin malazez A. C. është përplasur me një automjet tjetër, me drejtues shtetasin italian, edhe ky me iniciale A. C.
Si pasojë e aksidentit, janë dëmtuar shtetasi malazez dhe pasagjerja që ndodhej në këtë automjet. Ata janë transportuar në spital për ndihmë mjekësore dhe ndodhen jashtë rrezikut për jetën.
Grupi hetimor ndodhet në vendngjarje dhe po vijon veprimet për sqarimin e plotë të rrethanave dhe shkaqeve të aksidentit. /LAPSI.al
