Presidentja e Kosovës, Vjosa Osmani ka njoftuar heqjen e masave të BE ndaj Kosovës, që në tërësi do t’i hiqen në muajin janar. Por teksa po ndante këtë lajm nga Brukseli për ndjekësit e saj në rrjetet sociale, në video është shfaqur papritur kryeministri shqiptar Edi Rama.
Ai e përgëzoi Osmanin për punën e bërë për heqjen e masave. “Kjo, kjo gruaja, ka qenë e jashtëzakonshme….Të vërtetën duhet me thënë”, tha Rama ndër të tjera, krahas një përqafimi që i dhuroi Osmanit.
Sipas Osmanit, në fund të samitit BE -Ballkani Perëndimor “u mor vendimi që të gjitha masat t’i hiqen Kosovës”, duke shpjeguar se “një pjesë e madhe hiqen sot dhe pjesa tjetër në fund të janarit”. /LAPSI.al
