Kryetari i PD-së Sali Berisha është pyetur pas mbledhjes së Këshillit Kombëtar për çështjen "Salianji". Berisha tha se u qëndronte deklaratave të bëra më herët se Salianji ishte takuar me bandat për takimin në Elbasan.
Berisha: Revoltat e PD të cilat do të japin përgjigjen përfundimtare kësaj kalbësire që kundërmon në 4 anët e Shqipërisë. Kjo është mbledhja e tretë e forumeve të PD. Kryesia, grupi parlamentar dhe Këshilli Kombëtar që shkojnë në një linjë, për fillimin e revoltave të cilat do të ndërpriten vetëm kur ky regjim të arkivohet. Pavarësisht se në agoni, përsëri duhet që populli ta “krrejë” që është pengu i lubi Ballukut dhe Ergys Agasit, Ergys pengëmarrësi që merr peng në emër të
Besoj se unë jam shprehur përfundimisht në konferencën e shtypit, ju ka akuzuar se nëse është vijë e kuqe bashkëpunimi me krimin. Edhe njëherë gjithcka kam patur për këtë cështje e kam shprehur si kryetar i PD, dhe asgjë nuk e lëviz. Qëndrimi absolut i PD, vija e kuqe është bashkëpunimi me bandat.
Pyetje: A do përjashtohet Salianji?
Berisha: Asgjë nuk lëviz atje.
Pyetje: A do përjashtohet?
Berisha: Qëndrimi, edhe njëherë, qëndrimi absolut i kësaj force politike është, vija absolute e kuqe është, janë bandat dhe krimi.
Pyetje: Përjashtohet kush shkel vijën e kuqe?
Berisha: Shih statutin.
Pyetje: Pra mund të përjashtohet? Ju keni thënë në fillim të foltores që nuk do ketë përjashtime. Kur erdhët në krye të PD thatë që s'do ketë përjashtime.
Berisha: Jo jo, nuk kam thënë që s'ka vetëpërjashtime.
Pyetje: Protesta do të jenë të qëndrueshe?
Berisha: Protestat, absolutisht vetëm protesta. Revoltë jo protesta.
Pyetje: Do të qëndroni në shesh apo ...
Berisha: Ato do ti mësoni që të gjitha. Do ti mësoni se janë sekrete të organizatorëve. /LAPSI.al
