“Point Break” është rikthyer. Kompania amerikane AMC Networks po prodhon një adaptim televiziv të filmit aksion të vitit 1991. Revista “Variety” shkruan se seriali do të prodhohet në vitin 2026, 35 vjet pas filmit origjinal, me protagonistë Patrick Swayze si një grabitës bankash dhe Keanu Reeves si një agjent i fshehtë i FBI-së.
Seriali do të ndjekë një bandë të rrezikshme grabitësish të lidhur me bandën e ish-presidentëve që paraqitet në atë film.
Dave Kalstein do të shkruajë skenarin dhe do të jetë producent ekzekutiv. Filmi "Point Break" i vitit 1991, me regji nga Kathryn Bigelow dhe skenar nga W. Peter Iliff tregon historinë e një grupi surferësh të Kalifornisë Jugore që kryejnë grabitje bankash. Ata njiheshin si “ish-presidentët” pasi mbanin maska të Ronald Reagan, Jimmy Carter dhe Lyndon B. Johnson gjatë grabitjeve të tyre.
Agjenti i ri i FBI-së, Johnny Utah, infiltrohet në bandë dhe përfshihet në stilin e tyre të rrezikshëm të jetesës, duke kulmuar me një sekuencë ndjekjeje rrëqethëse. Kasti përfshin gjithashtu Lori Petty dhe Gary Busey.
Ky nuk do të ishte adaptimi i parë i "Point Break". Në vitin 2015, Ericson Core drejtoi një “remake” me Édgar Ramírez, Luke Bracey, Teresa Palmer, Delroy Lindo dhe Ray Winstone. ©LAPSI.al
