Flash

Detaje nga vrasja e gruas shqiptare në Itali, flet i biri: E prisja këtë…

Lapsi.al 4 December 2025
Detaje nga vrasja e gruas shqiptare në Itali, flet i biri: E prisja

Detaje të reja dalin nga vrasja e Sadjide Muslija, 49-vjeçare shqiptare, në Ankona të Italisë. Viktima u gjet dje në banesën e saj me shenja dhune të theksuara në kafkë. Bashkëshorti i saj, Nazif Muslija, 50 vjeç, i cili më parë kishte precedent për dhunë në familje dhe ishte arrestuar në prill për sulm ndaj gruas me një sëpatë, është shpallur në kërkim.

Ai dyshohet se ka lënë vendin e ngjarjes me një makinë Smart dhe telefoni i tij celular nuk është i arritshëm që nga mëngjesi i djeshëm.

Hetuesit mjeko-ligjorë po punojnë për të gjetur armën e krimit, me hipotezën kryesore që mund të jetë një shkop, por deri tani ajo nuk është gjetur. Avokati i Nazifit ka kontaktuar djalin 27-vjeçar të çiftit, i cili jeton në Zvicër, për ta informuar mbi tragjedinë.

Djali ka deklaruar se “E prisja këtë…”, duke kujtuar se vetëm pak muaj më parë kishte strehuar nënën e tij kur babai ishte arrestuar.

Prokurori Rosario Lioniello ka urdhëruar sekuestrimin e shtëpisë ku ndodhi krimi dhe kryerjen e autopsisë për të përcaktuar shkakun dhe kohën e vdekjes së viktimës.

Programi i Rai3 “Chi l’ha visto?” ka publikuar fotografinë e Nazifit dhe po kërkon ndihmën e publikut për çdo informacion që mund të ndihmojë në kapjen e tij. Hetuesit po përpiqen të ngushtojnë fushën e hetimit dhe të sqarojnë të gjitha rrethanat e ngjarjes.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI