Cilat kanë qenë vendet më të sigurta në Botë për vitin 2025 dhe çfarë vendi mban Shqipëria. Indeksit Global i Paqes ka publikuar përditësimin e fundit duke renditur si 5 vendet më të sigurta: Islandën, Irlandën, Zelandën e Re, Austrinë dhe Zvicrën.
Indeksi Global i Paqes përpilohet nga Instituti për Ekonomi dhe Paqe dhe bazohet në 23 kritere individuale, të cilat pasqyrojnë nivelin e sigurisë dhe stabilitetit në secilin vend.
Kriteret përfshijnë, ndër të tjera, ndjenjën e sigurisë së qytetarëve, shkallën e krimit, aksesin te armët, konfliktet e brendshme dhe ndërkombëtare, shkallën e militarizimit si dhe ndikimin e të gjitha këtyre në shoqëri dhe ekonomi. Sa më i ulët të jetë rezultati i GPI-së i një vendi, aq më i sigurt konsiderohet ai.
Ku renditet Shqipëria?
Vendi ynë renditet i 52-ti në listën e këtij viti nga 163 vende të marra në shqyrtim. Shqipëria ka një përkeqësim duke rënë me 6 vende në krahasim me një vit më parë kur renditeshim në vendin e 46-të.
Duke u krahasuar me vendet e rajonit, pozicionin e ka Mali i Zi që renditet në vendin e 34-t. Mbi Shqipërinë është edhe Maqedonia e Veriut që mban vendin e 51-të. Më keq se ne është Bosnje Hercegovina në vendin e 59-të, Kosova në vendin e 63-të e ndjekur nga Serbia në vend të 64-t.
Lista e 5 vendeve më të pasigurta në botë mbyllet me Jemenin, republikën Demokratike të Kongos, Sudanin, Ukrainën dhe Rusinë. ©Përgatiti LAPSI.al
