Greqia është përfshirë në një “keqkuptim” me SHBA lidhur me aksesin në furnizimin me gaz të Ukrainës. Sipas mediave greke SHBA ka ndërhyrë për të siguruar ekskluzivitet në furnizimin e Ukrainës, duke shmangur nga konkurenca gazin azer që hyn në kontinent përmes gazsjellësit “TAP”.
Pak kohë më parë, Athina firmosi me palën ukrainase marrëveshjen Atlantic -See LNG Trade që siguron kalimin e gazit të lëngshëm të SHBA në Ukrainë, si kundërmasë ndaj shkëputjes me linjat ruse.
Mediat greke raportojnë se SHBA ka vënë veton për gazin azer dhe palës grek i është dashur të sqarojë se gazi në fjalë, pra "TAP", është vetëm një opsion i fundit për të mos lejuar ndërprerjen e furnizimit me marrëveshjen e sipërpërmendur, ndërkohë që ndërhyrja amerikane ka vënë në diskutim vlerën e nyjes ndërkombëtare “Route 3” që parashikon furnizimin e Ukrainës me gazin azer përmes korridorit vertikal dhe ndërlidhësit ICGB.
Incidenti sugjeron për një luftë të vërtetë tregtare në Ballkan dhe ndërhyrje brutale amerikane për të marrë Ukrainën si treg ekskluziv, ndërkohë që asnjë arsye ekonomike që lidhet me këtë qëndrim në kuadër të tregut energjetik.
Gazsjellësi TAP u tha se ishte projekt me mbështetje të SHBA, në konkurencë me South Stream që mbështetej nga Rusia, ndërkohë që sot, SHBA e shpërfill investimin e vet duke kërkuar akses direkt në tregun europian.
