Historia e dashurisë mes Jacob Elordi dhe Olivia Jade Giannulli ka marrë fund.
Një burim për revistën People ka konfirmuar se çifti, i cili u ribashkua për pak kohë në shtator, “nuk do të kthehet më bashkë”. “Është mbyllur plotësisht,” – tha burimi.
Sipas të njëjtit burim, Olivia është më e shqetësuar për ndarjen e prindërve të saj – aktores së “Full House” Lori Loughlin dhe dizajnerit të modës Mossimo Giannulli – të cilët i kanë dhënë fund martesës pas 28 vitesh, sesa për përfundimin e romancës me Elordi.
Elordi dhe Olivia Jade u lidhën për herë të parë në vitin 2021, pasi u panë bashkë në Los Angeles. Pas një marrëdhënieje me ulje-ngritje që zgjati rreth katër vjet, ata u ndanë në gusht të këtij viti, për t’u ribashkuar shkurtimisht në festivalin e filmit në Toronto. Në atë kohë, Olivia e kishte mbështetur aktorin në premierën e filmit të tij të ri horror, “Frankenstein”.
Pas ndarjes, ajo pranoi publikisht se po kalonte “ndryshime të pakëndshme” dhe po ndiqte terapi për t’u përballur me to. Ndërkohë, një mik i familjes ka treguar për Page Six se Olivia dhe motra e saj, Isabella Rose, po mbështesin plotësisht nënën e tyre Lori Loughlin gjatë procesit të ndarjes nga Mossimo Giannulli.
