Jamie Lynn Spears ka kritikuar ashpër motrën e saj më të madhe, Britney Spears, për mënyrën e saj të prindërimit dhe ka falënderuar Kevin Federline dhe bashkëshorten e tij, Victoria Prince, për kujdesin ndaj dy djemve që Britney ka me Federline.
Sipas kujtimeve të reja të Federline, të titulluara “You Thought You Knew” dhe që pritet të dalin më 21 tetor, Jamie Lynn ika dërguar disa mesazhe bashkëshortes së Federline, në të cilat shprehet e shqetësuar për situatën me Britney dhe fëmijët e saj.
“Më vjen të qaj kur shoh këtë situatë, sepse më vjen shumë keq për ata djem,” thuhet në një nga mesazhet e Jamie Lynn, sipas një fragmenti të publikuar nga Us Weekly. “Jam motra e saj më e vogël me 10 vite diferencë dhe nuk mund ta imagjinoj çfarë duhet të ndjejnë fëmijët e saj.”
Aktorja e njohur nga “Zoey 101” e përshkroi Britney-n si “të paaftë për të marrë përgjegjësi” dhe shprehu zhgënjimin për mungesën e vetëdijes së saj për realitetin përreth.
Në një tjetër mesazh, Jamie Lynn falënderoi çiftin Federline-Prince për edukimin e djemve:
“Jam kaq mirënjohëse që djemtë janë rritur nga ju – janë mirëedukuar, mirënjohës dhe të sjellshëm,” shkroi ajo. “Ju keni bërë një punë të jashtëzakonshme në një situatë kaq të vështirë që vetëm kush e ka përjetuar mund ta kuptojë.”
Ajo gjithashtu shprehu bindjen se Britney “kurrë nuk i ka falënderuar” Federline dhe gruan e tij për kujdesin ndaj fëmijëve.
Britney, nga ana e saj, reagoi në rrjetet sociale, duke akuzuar ish-bashkëshortin për “gaslighting” dhe manipulim.
“Manipulimi i vazhdueshëm nga ish-burri është tepër i dhimbshëm dhe rraskapitës,”shkroi ajo në X (ish-Twitter). “Kam qarë e jam lutur për një jetë me djemtë e mi.”
Ajo tha gjithashtu se një nga djemtë e kishte parë vetëm për “45 minuta në një vit” dhe tjetri “vetëm katër herë në pesë vite.”
