Pavarësisht zërave që qarkullojnë në rrjet se Blake Lively dhe Taylor Swift kanë pasur një ribashkim “të qetë”, burime për Page Six e mohojnë këtë.
“Dyshja nuk kanë pasur asnjë kontakt,” tha një burim për mediat, duke theksuar se ish-mikeshat nuk kanë komunikuar që nga dimri, kur shpërtheu skandali ligjor mes Lively dhe regjisorit Justin Baldoni.
Një tjetër burim e konfirmoi mungesën e kontaktit, por nuk specifikoi kohën e saktë të shkëputjes së marrëdhënies mes tyre.
Miqësia e gjatë mes aktores së “Gossip Girl” dhe këngëtares së njohur mori fund pas nisjes së një padie nga Lively ndaj Baldoni në dhjetor 2024, ku ajo e akuzonte për ngacmim seksual, shkelje kontrate dhe hakmarrje.
Në janar 2025, Baldoni iu kundërpërgjigj me një padi prej 400 milionë dollarësh, ku e akuzonte Lively-n për shantazh dhe shpifje. Në dokumentet ligjore, ai pretendonte se Lively kishte përdorur në mënyrë të qëllimshme miqësinë e saj me Taylor Swift për t’i bërë presion.
Në një nga mesazhet e zbuluara, Lively referohej për bashkëshortin Ryan Reynolds dhe për Taylor Swift si “dragonjtë” e saj – një sinjal i qartë, sipas padisë, se Baldoni po përballej jo vetëm me Lively, por edhe me dy nga figurat më të fuqishme dhe me ndikim në botën e showbiz-it.
Në një deklaratë të mëparshme për Page Six, një burim i afërt me këngëtaren tha se Taylor ndihej e përdorur nga situata:
“Taylor dëshironte që Blake të mos e përfshinte fare në këtë çështje. Ajo vlerëson miqësitë e sinqerta, por ndihet e tradhtuar nga mënyra si u përdor emri i saj.”
Një tjetër burim shtoi në gusht se Swift është ende e zemëruar me Lively-n:
“Ajo nuk mund ta besojë që Blake do të përdorte emrin dhe lidhjet e saj për avantazh personal.”
