Gjatë shfaqjes në premierën e filmit të tij të ri “Good Fortune”, Keanu Reeves u përgjigj me humor ndaj aludimeve që është martuarme Alexandra Grant.
“Eh, nuk është hera e parë që aludohet,” tha ai për E! News. “Jemi së bashku prej shumë kohësh.”
Komentet e Reeves vijnë disa javë pasi Grant, 52 vjeçe, reagoi ndaj këtyre thashethemeve në Instagram duke i quajtur “lajme të rreme.” Ajo postoi një foto ku shfaqeshin duke u puthur dhe shkroi: “Kjo është një foto reale, jo foto fejesë apo lajm martese të krijuar nga inteligjenca artificiale... thjesht një puthje!”
Grant falenderoi njerëzit për urimet, por theksoi se nuk janë martuar, duke e quajtur lajmin “të rremë” dhe duke bërë thirrje për kujdes ndaj lajmeve të tilla. Reeves shtoi se Grant “ka bërë një punë të mrekullueshme” duke sqaruar situatën.
Çifti u shfaq publikisht për herë të parë në LACMA Art + Film Gala në Los Anxhelos në nëntor 2019, dhe prej atëherë marrëdhënia e tyre vazhdon të jetë e fortë . Burime pranë çiftit thonë se kjo është marrëdhënia më e lumtur që Keanu ka pasur ndonjëherë dhe se Grant është shumë mbështetëse dhe e dashur për të.
