Charli XCX mund të ketë reaguar ndaj këngës “diss” të Taylor Swift gjatë shfaqjes së saj në “Saturday Night Live” këtë fundjavë.
Reperi Role Model interpretoi hitin e tij “Sally, When the Wine Runs Out” në episodin e së shtunës, kur gjatë performancës, Charli u prezantua si “Sally” e tij.
Këngëtarja 33-vjeçare u shfaq në skenë me minifund prej lëkure, syze dielli dhe një bluzë me mbishkrimin “Max’s Kansas City”. Klubi legjendar në Nju Jork, “Max’s Kansas City”, ka qenë vend takimi për artistë të njohur si Andy Warhol, David Bowie dhe The Velvet Underground.
Megjithatë, disa fansa dyshuan se bluzja me emrin “Kansas City” ishte një përgjigje e fshehtë ndaj mërisë së dyshuar midis Taylor Swift dhe të fejuarit të saj, Travis Kelce, i cili luan për skuadrën Kansas City Chiefs.
Por disa të tjerë kundërshtuan spekulimet, duke theksuar se Role Model kishte veshur të njëjtën bluzë edhe në promovimet e tjera të “SNL” më parë gjatë javës.
Drama midis Taylor Swift dhe Charli XCX u përshkallëzua që kur Taylor publikoi këngën “Actually Romantic” më 3 tetor, në të cilën disa fansa besojnë se i referohet drejtpërdrejt Charli-t me vargjet: “I heard you call me ‘Boring Barbie’ when the coke’s got you brave.”
Megjithatë, Taylor Swift ka lavdëruar albumin e Charli XCX për vitin 2024, “Brat”, duke thënë se është “surprizuar shumë” nga muzika dhe shkrimet e saj kreative.
Marrëdhënia mes dy artistëve ka pasur ngritje e ulje, veçanërisht pasi Charli u afrua me ish-in e Taylor, Matty Healy, dhe madje u martua me anëtarin tjetër të grupit të Healy-t, George Daniel.
