Flash

Jep dorëheqjen kreu i AKEP

Gentian Sala ka dhënë dorëheqjen nga posti i kryetarit të Autoritetit të Komunikimeve Elektronike dhe Postare (AKEP), detyrë t&eu...

16:55

Jimmy Kimmel rikthehet në ekran pas pezullimit

Lapsi.al 24 September 2025
Jimmy Kimmel rikthehet në ekran pas pezullimit

Jimmy Kimmel u rikthye mbrëmë në skenën e “Jimmy Kimmel Live!” pas një pezullimi pothuajse njëjavor nga ABC, i shkaktuar nga komentet e tij për vrasjen e aktivistit të njohur konservator, Charlie Kirk.

Në monologun hapës, moderatori u shfaq i përlotur dhe theksoi se nuk kishte asnjë qëllim të bënte humor me një ngjarje tragjike.

“Si njeri, dua të jem i qartë: nuk kam dashur kurrë të bëj shaka me vrasjen e një të riu,” tha Kimmel me zërin që i dridhej.

Ai shtoi se postimi i tij në Instagram në ditën e ngjarjes kishte qenë thjesht një thirrje për dashuri dhe mëshirë ndaj familjes së Kirk:

“Ende sot e mendoj po njësoj. Nuk ishte synimi im të fajësoja një grup të caktuar për veprimet e një individi të sëmurë mendërisht.”

Pezullimi i programit erdhi më 17 shtator, pasi ABC deklaroi se disa komente të Kimmel-it ishin “të papërshtatshme në një moment të ndjeshëm për vendin”.

Dy rrjete të fuqishme televizive, Nexstar Media Group dhe Sinclair Broadcast Group, refuzuan madje të transmetojnë rikthimin e emisionit.

Çështja mori edhe përmasa politike. Komisioneri i FCC-së, Brendan Carr, sinjalizoi një hetim mbi deklaratat e Kimmel-it, duke i cilësuar ato si “sjellje të papranueshme”. Ndërkohë, ish-presidenti Donald Trump reagoi në Truth Social duke e përshëndetur pezullimin e tij dhe e quajti “lajm të madh për Amerikën”.

Burime të afërta me produksionin thanë se Kimmel ishte “i tërbuar” dhe po shqyrton mënyra për të dalë nga kontrata me ABC.

Ndërsa një grup yjesh të Hollywood-it, përfshirë Ben Affleck dhe Jennifer Aniston, publikuan një letër në mbështetje të tij, duke e cilësuar pezullimin si “një moment të errët për lirinë e fjalës”.

Sipas raportimeve, Sinclair i vendosi kushte të rënda për rikthimin e tij, përfshirë një falje publike drejtuar familjes së Kirk, si dhe një donacion për Turning Point USA, organizata e themeluar nga aktivisti i ndjerë.

 

Të këshilluara

Tom Holland dërgohet me urgjencë në spital

Tom Holland u dërgua me urgjencë në spital pasi pësoi një dëmtim të rëndë gjatë xhirimeve të Spider-Man: Brand New Day. Të premten, më 19 shtator, aktori bri...

14:57

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI