Leonardo DiCaprio ka folur hapur për “kapitullin e ri” të jetës dhe karrierës së tij, teksa po përgatitet për premierën e filmit më të fundit, “One Battle After Another”, në bashkëpunim me regjisorin e famshëm Paul Thomas Anderson.
“Jam duke e ngadalësuar pak ritmin,” tha aktori për People. “Nuk po tërhiqem nga aktrimi, por tani do të jem më i zgjedhur për rolet që marr.”
Megjithatë, DiCaprio pranoi se nuk mund t’i thotë “jo” mundësive që e frymëzojnë. “Që kur pashë Boogie Nights, kam qenë fans i çmendur i punës së Paul. Filmave të tij u kthehesh gjithmonë, sepse mbeten pjesë e bisedave, të bëjnë të mendosh.”
DiCaprio pranoi se një nga pendesat e tij më të mëdha ishte refuzimi i rolit kryesor, që më pas i shkoi Mark Wahlbergut.
“Është një film i gjeneratës sime, por unë zgjodha të bëja Titanic,” tha ai. “Sigurisht, pa atë film nuk do të kisha karrierën që kam sot. Por do të ishte interesante të shihja se si do të ishte rrugëtimi im po të kisha marrë pjesë në "Boogie Night".
