Ikona e muzikës heavy metal, Ozzy Osbourne u nda nga jeta më 22 korrik 2025 në moshën 76-vjeçare, duke lënë pas një trashëgimi të pavdekshme në historinë e muzikës rock.
Artistë nderuan figurën e tij në një homazh emocionues gjatë çmimeve MTV Video Music Awards 2025, që u mbajtën në UBS Arena, Elmont, Nju Jork.
Segmenti i homazhit nisi me një video-montazh, prezantuar nga djali i Ozzy-t, Jack, dhe katër vajzat e tij, të gjithë të veshur me bluza me emrin "Ozzy". Ata ndanë kujtime personale dhe momente të veçanta nga jeta e artistit.
Më pas, këngëtari i njohur britanik Yungblud hyri në skenë dhe performoi këngët “Changes” dhe “Crazy Train”.
Në vijim, atj iu bashkua Steven Tyler dhe Joe Perry nga Aerosmith për një interpretim të të baladës "Mama, I’m Coming Home", që u shoqërua me duartrokitje nga publiku.
Në skenë performoi gjithashtu edhe Nuno Bettencourt, kitaristi i njohur, i cili ndau më pas me mediat emocionet e tij:
“Të bëhesha pjesë e këtij homazhi për një figurë që për ne ishte një kumbar i muzikës rock dhe metal do të thotë gjithçka për mua. Ai ka ndikuar kulturën dhe ka prekur zemrat e shumë brezave.”
Para spektaklit, artistë të ndryshëm si Taylor Momsen (The Pretty Reckless) folën për ndikimin e Ozzy-t në karrierat e tyre:
“Edhe pse nuk e kam takuar kurrë personalisht, muzika e tij është bërë pjesë e qenies sime.”
Ozzy dha performancën e tij të fundit në fillim të korrikut, gjatë një koncerti lamtumire me Black Sabbath në Villa Park, Birmingham. Sipas Tom Morello, që ishte drejtori muzikor i shfaqjes:
“Ishte sikur ai e ndjente që ishte hera e fundit. Ishte e fuqishme dhe prekëse.”
