Pas shpalljes së albumit të saj të 12-të në studio, "The Life of a Showgirl", më 13 gusht, Taylor Swift zbuloi se kënga titull e albumit është një bashkëpunim me këngëtaren e njohur Sabrina Carpenter – dhe reagimi i kësaj të fundit ishte i menjëhershëm dhe plot emocion.
Sabrina Carpenterndau në Instagram Story një imazh të kopertinës së pasme të albumit, ku dallohet edhe emri i saj në listën e këngëve. Ajo shkroi me entuziazëm:
"THE LIFE OF A SHOWGIRL – 3 TETOR, e di që dikush po çmendet nga gëzimi dhe ajo jam unë."
Carpenter gjithashtu postoi një foto të vjetër me Swift nga turneu Eras, ku ajo shihet e ulur në skenë , ndërsa Swift mban një kitarë.
Albumi "The Life of a Showgirl" publikohet më 3 tetor dhe është prodhuar nga vetë Swift, në bashkëpunim me producentët Max Martin dhe Shellback.
Lista e këngëve përfshin edhe tituj të tillë si: "Elizabeth Taylor", "Ruin the Friendship", "Honey", "Actually Romantic", "CANCELLED!", "Eldest Daughter", "Father Figure", "Opalite" , "The Fate of Ophelia" dhe shumë të tjera, përfshirë bashkëpunimin me Carpenter në këngën “The Life of a Showgirl”.
Swift bëri njoftimin fillestar në një video surprizë gjatë një paraqitjeje të rrallë në podcast-in "New Heights", të drejtuar nga i dashuri i saj Travis Kelce dhe vëllai i tij Jason, në orën 12:12 të mëngjesit të 12 gushtit.
Ky bashkëpunim vjen pas një marrëdhënie të ngushtë mes dy këngëtareve, ku Carpenter ka shprehur prej kohësh admirimin për Taylor.
Në një intervistë në vitin 2020 me Apple Music, Carpenter tregoi se albumi folklore i Swift e kishte frymëzuar fuqishëm në procesin e saj krijues.
“Kur Taylor publikoi albumin e saj, ajo tha: ‘Zakonisht e teproja me mendimet përpara se të publikoja këngë, por tani çdo gjë ndjehet më e pasigurt dhe thjesht dua t’i ndaj ato me ju’.
Kjo më dha një ndjesi shumë të ngrohtë, që më lejoi ta shihja edhe muzikën time me sy të freskët”, u shpreh Carpenter në atë kohë.
