Pete Davidson, ka folur hapur për ndjesitë e tij në lidhje me vëmendjen publike që mori pas lidhjes me Ariana Grande.
Në një intervistë të dhënë më 31 gusht në emisionin The Breakfast Club, Davidson, u shpreh se nuk ndihej rehat me mënyrën se si u paraqit nga mediat gjatë viteve të tij të hershme në Saturday Night Live.
"Padashje bëra një gjë trendi, tabloide," tha Davidson përballë Charlamagne Tha God.
"Por në të njëjtën kohë, u ndjeva i turpëruar... sepse askush nuk fliste për punën time. Thjesht thoshin: 'Ja ai tipi për se*s.' Dhe kjo më lëndoi shumë."
Davidson tregoi se edhe miqtë, familjarët dhe ekipi i SNL e kishin vënë re sa i mërzitur dhe i turpëruar ndihej nga gjithë kjo vëmendje. “ Po ndihesha sikur të gjithë shikonin vetëm jetën time personale, jo talentin tim."
Charlamagne u shpreh i habitur nga kjo ndjenjë e Davidson, duke thënë me humor:"Ti kishe lidhje me shumë vajza të bukura."
Davidson qeshi, por më pas tha seriozisht:
"Në letër tingëllon mirë, por është turpëruese... Është Hollywood-i. Të gjithë flenë me të gjithë. Pse po fokusohen te unë?" – dhe shtoi se nuk është "i bukur si Glen Powell", ndaj mendon se për këtë bëri bujë.
"Jam thjesht një djalë që bën shaka për se*sin dhe që ka qenë i varur nga drogërat," u shpreh me ironi.
Davidson theksoi se nuk dëshiron të paraqitet si viktimë, por se nëse do të ndodhte kjo gjë me një vajzë, do të kishte protesta:
"Nëse do të ishte një vajzë në vendin tim, do të kishte një marshim. Seriozisht. Gjithë kohën flasin për pe*isin tim."
Kur u pyet se nga e kishte zanafillën termi "Big D--- Energy", Davidson tha:
"Mendoj se nisi kur fillova të takoja dikë që njerëzit mendonin se ishte 'jashtë ligës sime'. Mendoj se ishte The New York Times që e përmendi për herë të parë, pastaj dikush tjetër e konfirmoi."
Komediani është aktualisht në pritje të fëmijës së tij të parë me të dashurën e tij, modelen Elsie Hewitt.
Ai tha se dëshiron të tregojë vetëm pjesë të caktuara të karrierës së tij te fëmija në të ardhmen – jo gjithçka që është thënë për të.
"Jam lodhur që karriera ime lidhet vetëm me jetën time personale. Të jetosh në këtë realitet është disi traumatik. Jo për të u viktimizuar, por është e vështirë," përfundoi ai.
