Taylor Swift ka zbuluar titullin e albumit të saj të 12-të në një mënyrë shumë të veçantë – gjatë një paraqitjeje surprizë në podcastin e të dashurit të saj, Travis Kelce, "New Heights".
Në një klip promovues të publikuar në platformën X, këngëtarja 14 herë fituese e çmimeve Grammy, 35 vjeç, shfaqet me një valixhe ngjyrë jeshile mente me inicialet "T.S." dhe thotë:
“Doja t’ju tregoja diçka. Ky është albumi im i ri, ‘The Life of a Showgirl’.”
Lajmi u prit me entuziazëm nga vëllezërit Kelce, me Jason Kelce që shpërtheu në britma gëzimi, ndërsa Travis, i dashuri i Swift, nuk i fshehu emocionet e tij.
Swift preferoi të mbante të fshehtë kopertinën e albumit duke e zbehur në klipin promovues. Megjithatë, ajo u shfaq tepër e emocionuar, ndërsa Travis bërtiti: “TS 12!”, duke iu referuar albumit të 12-të të saj.
Ky njoftim vjen pasi Swift bëri publike blerjen e të drejtave t për gjashtë albumet e saj të para: “Taylor Swift,” “Fearless,” “Speak Now,” “Red,” “1989” dhe “Reputation.”
Në një letër emocionale të ndarë në Instagram, ajo shkroi:
“Tani, të gjithë muzikën që kam krijuar… e zotëroj unë. Po shpërthej në lot gëzimi që kur e kuptova se kjo është e vërtetë.”
Swift theksoi se tani i përket asaj gjithçka: kujtimet, magjia, çmenduria, çdo epokë, përfshirë filmat koncertal, videot muzikore, fotografitë, artin e albumeve dhe këngët e papublikuara.
Ndërkohë, “The Life of a Showgirl” vjen pas përfundimit të suksesshëm të turneut të saj “The Eras Tour” dhe fillimit të një projekti të ri muzikor të përfolur si “top sekret”.
Një burim për "The US Sun" zbuloi se Taylor ishte në Los Anxhelos duke xhiruar një videoklip për një këngë të re, por askujt në set nuk iu lejua të dëgjonte tekstin – vetëm ritmin.
