Fansat e Halle Berry-t nuk janë aspak të kënaqur pas komenteve të ish-bashkëshortit të saj, David Justice, i cili ka folur për arsyet e divorcit të tyre në vitin 1997.
Gjatë një interviste në podcast-in "All the Smoke" të Matt Barnes, ish-lojtari i MLB-së ka përmendur se martesa e tij me aktoren fituese të çmimit Oscar dështoi për shkak të mungesës së ndihmës në punët e shtëpisë.
David Justice, tani 59 vjeç, ka hapur zemrën për divorcin e tij nga Berry duke shpjeguar se, si një djalë i ri nga Midwestern, ai kishte pritshmëri tradicionale për martesën, duke përfshirë ide se një grua duhet të kujdeset për gatimin dhe pastrimin. "Isha i ri dhe nuk kisha shumë përvojë në marrëdhënie," tha ai.
"Më pas filluam të kishim probleme pasi ajo nuk gatonte, nuk pastronte dhe nuk ishte ashtu siç e prisja."
Përveç kësaj, Justice theksoi se, përkundër problemeve që kishin, asnjëherë nuk kishte pasur çështje lidhur me tradhtinë.
Ndërkohë, pas këtyre komenteve, fansat e Halle Berry-së reaguan fuqishëm në rrjetet sociale duke e akuzuar Justice për komente seksiste. Ata e kritikuan për përpjekjen për të "definuar" rolin e gruas dhe shprehën se ky mendim është i pasaktë dhe i dënueshëm për kohët moderne.
Përveç kësaj, Justice ndau një tjetër ankesë, duke thënë se Halle kishte lejuar që publikimi i akuzave për abuzim ndaj një ish-partneri të mos sqarohej, duke e lënë atë të kuptohej se ai ishte abuzuesi i mundshëm.
Çifti u martua në vitin 1993 pas vetëm disa muajsh lidhjeje, por u ndanë në vitin 1996 dhe divorcimi u finalizua në vitin 1997. Pas divorcit, Justice u martua me Rebecca Villalobos dhe kanë tre fëmijë së bashku.
Berrynga ana tjetër, është në një lidhje me këngëtarin Van Hunt, dhe ndonëse ai e ka propozuar për martesë, ende nuk ka një datë të caktuar për dasmën.
