Kourtney Kardashian është detyruar sërish të reagojë ndaj thashethemeve se është në pritje të një fëmije të dytë me bashkëshortin e saj, bateristin Travis Barker.
Në një postim të fundit në Instagram të publikuar të premten, themeluesja e Poosh ndau një foto të ëmbël me djalin e tyre, Rocky Thirteen, ndërsa po shijonin një udhëtim me varkë. Por ajo që duhej të ishte një moment i lumtur familjar, u kthye në një fushë spekulimesh.
"THONË SE JE SHTATZËNË, KOURTNEY," komentoi një ndjekës në postimin e saj.
Kardashian iu përgjigj pa shumë bujë: "Duke ngrënë pancakes dhe duke u hedhur nga shkëmbinjtë ", – duke përgënjeshtruar qartë çdo aludim për shtatzëni.
Kjo nuk është hera e parë që ylli i “The Kardashians” i duhet të përballet me thashethemet e shtatzënisë. Vetëm një muaj më parë, pas publikimit të disa fotove nga pushimet në Portofino të Italisë, fansat nisën të spekulonin se ishte sërish në pritje.
Kourtney, 46 vjeç, reagoi atëherë duke thënë: “Mund të jem duke ushqyer me gji, duke ngrënë akullore, fokaça, makarona, pa stërvitje dhe duke jetuar jetën time më të mirë, baby!”
Ajo dhe Travis Barker mirëpritën djalin e tyre të parë së bashku, Rocky Thirteen, në nëntor të vitit 2023. Kardashian gjithashtu ka tre fëmijë të tjerë me ish-partnerin e saj, Scott Disick.
