Jennifer Aniston ka folur rreth "trekëndëshit të dashurisë" që përfshinte ish-bashkëshortin e saj, Brad Pitt, dhe Angelina Jolie – një nga historitë më të përfolura të viteve 2000.
Në një profil të ri të publikuar nga Vanity Fair, aktorja e “Friends” pranoi se ajo periudhë ishte jashtëzakonisht e vështirë emocionalisht për të. “Ishte një kohë shumë e vështirë... Gazetaria në atë periudhë ndjehej më shumë si një sport,” u shpreh ajo.
Aniston, 56 vjeçe, dhe Pitt, 61, ishin të martuar nga viti 2000 deri në 2005. Më pas, Pitt u njoh me Jolie gjatë xhirimeve të filmit Mr. & Mrs. Smith, dhe nisën lidhjen menjëherë pas ndarjes së tij me Aniston.
Duke reflektuar mbi vëmendjen mediatike të asaj kohe, Aniston pranoi se edhe sot ka traumë nga ajo përvojë.
“Ka padyshim një lloj traume që të gjithë kemi. Prandaj këto intervista më trembin... një fjali e vetme sot mund të keqinterpretohet menjëherë.”
Aktorja shtoi se ndonëse nuk kishte forcë të mjaftueshme për të mos u ndikuar nga tabloidet, u përpoq të qëndronte e fortë:
“Ishte turp që ndodhi, por ndodhi. Dhe, o Zot, sa personalisht e mora atë,” tha ajo. “Vetëm ngrihu dhe vazhdo, vajzë.”
Pas ndarjes me Pitt, aktorja u përball për vite me radhë me spekulime rreth jetës së saj sentimentale dhe nëse ajo dëshironte apo jo të bëhej nënë. “Ishte si telenovelë për njerëzit. Nëse nuk kishin serialet e tyre, kishin gazetat rozë,” u shpreh Jennifer.
Në intervista të mëvonshme, Aniston ka pranuar se spekulimet për shtatzëninë dhe karrierën e saj ishin “shumë të dhimbshme dhe të pamëshirshme.” Në vitin 2022, ajo zbuloi për herë të parë se kishte pasur përpjekje të pasuksesshme për të mbetur shtatzënë përmes fertilizimit in vitro (IVF).
Brad dhe Angelina qëndruan bashkë deri në vitin 2016, kur Jolie kërkoi divorcin pas një incidenti të dyshuar në avion. Çifti kaloi pothuajse një dekadë në beteja gjyqësore për kujdestarinë e fëmijëve dhe ndarjen e pasurive. Ata përfundimisht arritën një marrëveshje më 30 dhjetor 2024.
Aniston, ndërkohë, u martua me Justin Theroux në vitin 2015, por çifti u nda në 2018.
