LL Cool J do të ngjitet sërish në skenën e MTV Video Music Awards këtë shtator!
MTV njoftoi të enjten, më 14 gusht, se reperi legjendar i hitit “Mama Said Knock You Out” do të jetë prezantuesi zyrtar i edicionit 2025 të MTV VMAs, që do të mbahet në UBS Arena, të dielën, më 7 shtator.
Kjo është hera e dytë që LL Cool J, 57 vjeç, do të drejtojë ceremoninë e çmimeve. Ai më parë ka ndarë skenën me Jack Harlow dhe Nicki Minaj në vitin 2022, por këtë herë do të prezantojë i vetëm.
LL Cool J fitoi çmimin e tij të parë “Moon Person” në vitin 1991 për Best Rap, ndërsa në vitin 1997 u bë reperi i parë që mori çmimin prestigjioz Video Vanguard Award.
Në vitin 2023, ai performoi në një homazh special për 50-vjetorin e hip-hopit, ndërsa në 2024 festoi 40-vjetorin e Def Jam Records së bashku me Public Enemy.
Këtë vit, kënga e tij “Murdergram Deaux” me Eminem është nominuar në kategorinë Best Hip-Hop, nga albumi i tij më i fundit The Force.
Më 5 gusht, MTV publikoi listën e të nominuarve për edicionin e sivjetshëm të VMAs. Lady Gaga kryeson me 12 nominime, përfshirë Artist of the Year, Song of the Year për bashkëpunimin “Die with a Smile” me Bruno Mars, si dhe Best Album për Mayhem.
Pas saj vjen Bruno Mars me 11 nominime dhe Kendrick Lamar me 10. ROSÉ dhe Sabrina Carpenter janë nominuar në tetë kategori, ndërsa Ariana Grande dhe The Weeknd në shtatë. Billie Eilish numëron gjashtë nominime dhe Charli XCX pesë.
Këtë vit janë shtuar edhe dy kategori të reja: Best Country dhe Best Pop Artist.
