Miqësia e gjatë mes Taylor Swift dhe Blake Lively është vënë nën vëzhgim publik pas përfshirjes së emrit të këngëtares në betejën ligjore që aktorja po zhvillon me kolegun dhe regjisorin e saj të filmit It Ends With Us, Justin Baldoni.
Një burim i afërt me situatën ka konfirmuar për PEOPLE se "Taylor dhe Blake nuk po flasin."
Emri i Swift ka dalë disa herë gjatë luftës ligjore të Lively me Baldoni, 41 vjeç, që ka përfshirë një akuzë të paraqitur nga ekipi ligjor i Baldonit në janar 2025, e cila pretendonte se Swift kishte ushtruar presion mbi të për të pranuar ndryshimet që Lively kishte propozuar në skenarin e filmit. Kjo ankesë u hodh poshtë, por çështja vazhdoi të tërheqë vëmendjen.
Në një zhvillim të fundit, Swift ka njoftuar më 13 gusht se do të publikohet albumi i saj i ri The Life of a Showgirl, që do të përmbajë këngën Ruin the Friendship, për të cilën fansat po spekulojnë se mund të ketë të bëjë me marrëdhënien e saj me Lively.
Në një intervistë të fundit në podkastin e të dashurit të saj, Travis Kelce, Swift ka zbuluar se ka regjistruar albumin gjatë turit të saj "Eras" në Europë, para se të përfshihej në dramën ligjore lidhur me filmin It Ends With Us.
