Gjykata e Tiranës ka liruar nga qelia Edison Haxhiun, i dyshuar për vrasjen e Gentian Bejtjas në vitin 2023 në Fushë-Krujë. Gjykata pranoi kërkesën e avokatit Sokol Tahiraj për lënien e Haxhiut të lirë, pasi sipas tij ishin tejkaluar afatet e paraburgimit për këtë arsye kërkoi shuarje të masës së sigurisë.
Prokuroria e Tiranës dyshon se Haxhiu se ka bashkëpunuar me Ilir Beqarajn për vrasjen e Bejtjas. Beqaraj është dërguar për gjykim si një prej autorëve të përfshirë në ngjarje. Ai ka pasur rolin e ndihmësit në atentatin ndaj Bejtjas në banesën e tij.
Gentian Bejtja u ekzekutua me 15 mars në banesën e tij. Ai ishte një emër i njohur për drejtësinë dhe ishte i dyshuar për një sërë ngjarjesh të rënda. Në 9 janar të vitit 2022, Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.
