Policia e Dibrës doli sot në një konferencë për mediat nga ku dha detaje lidhur me rrëmbimin dhe vrasjen e 23-vjeçarit Renis Dobra, ngjarje e ndodhur më 8 korrik.
Sipas bluve gjatë periudhës hetimore të ngjarjes janë sekuestruar: 20 celularë, 7 automjete, një shumë eurosh
një sasi lëndësh narkotike kokainë dhe prova të tjera që i shërbejnë hetimit.
Gjithashtu përveç dy të arrestuarve Petrit Çakrri dhe Fatjon Bushgjokaj, si edhe vëllezërve të këtij të fundit, Kristi e Aleksandër Bushgjokaj, të cilët janë shpallur në kërkim,, në policinë e shtetit janë shoqëruar dhe katër shtetas të tjerë për të cilët po kryhen hetimet për të përcaktuar përgjegjësinë penale të tyre në vrasjen e Renis Dobrës.
Sipas policisë “Renis Dobra është marrë peng dhe u mbyt përmes strangulimit, mbytje me litar”. Autorët kanë tentuar të zhdukin kufomën e 23-vjeçarit duke e hedhur së bashku me makinën në liqenin e Shkopetit, por gjatë rënies trupi ka dalë nga mjeti.
“Autorët pas vrasjes e kanë hedhur automjetin bashkë me trupin e pajetë me qëllim të mjeti dhe trupi të binin në liqenin e Ulzës. Por gjatë rënies trupi i pajetë i 23 vjeçarit ka mbetur pa rënë në liqen, ndërsa automjeti është gjetur në liqen”, informoi policia.
