Një ngjarje e pazakontë ka ndodhur para pak minutash në rrugën “Butrinti” në Sarandë, ku një person është hedhur në det në përpjekje për t’i shpëtuar ndjekjes së policisë.
Burime nga vendngjarja bëjnë me dije se policia ka ndaluar një automjet luksoz tip Porsche Panamera, ku ndodheshin tre persona.
Gjatë përpjekjes për t’i ndaluar, njëri prej tyre është larguar me vrap dhe është hedhur në det, duke mbajtur një çantë në qafë. Dy personat e tjerë janë ndaluar dhe shoqëruar nga forcat “Shqiponja”.
[video width="464" height="832" mp4="https://cdnimpuls.com/lapsi.al/wp-content/uploads/2025/07/FDownloader.Net_AQMCcDtfPVZGNqjRB0yzLPUoUProvDHsheQ3NaAgp8eUPnw19rGDco3CisfdnsQG__34oWyz03LYsFgRgnlXiRBzOqdcCQHzZ87IKVbUwRn9fQ_720p_HD.mp4"][/video]
Aktualisht, në shëtitoren e qytetit janë të pranishme dhjetëra forca policie, ndërsa personi që ndodhet në det vazhdon të notojë në përpjekje për t’u larguar.
Mësohet se me mbërritjen e një skafi të Policisë Kufitare është bërë e mundur kapja e tij. Dyshohet se ai ka hedhur sende të paligjshme në det. /LAPSI.al
