Në momentet e fundit të Tupac Shakur-it, Suge Knight pretendon se nëna e tij, Afeni Shakur, mori vendime kontraverse teksa jeta e reperit po shuhej.
Në një intervistë ekskluzive për People, ish-CEO i Death Row Records-u rikujtoi vrasjen e vitit 1996. Knight po drejtonte makinën me Tupacin pranë Las Vegas Strip kur makina u qëllua 13 herë.
Shakur u godit katër herë — në kraharor, krah dhe kofshë — dhe sapo mbërriti në spital, mjekët konstatuan se do t’i nevojiteshin dy operacione emergjente për të shpëtuar, përfshirë heqjen e mushkërisë së djathtë për të ndalur gjakderdhjen e brendshme.
Knight pretendon se ndërsa Shakur po humbiste vetëdijen, ai kërkoi të vritej, nga frika se do të kthehej në burg për shkak të përplasjes në kazino disa orë më parë. Sipas Knight, Shakur i tha të pranishmëve: “Më mirë të vdes se të kthehem prapë..” Por Knight refuzoi: “Jo, Pac. Nuk mund ta bëjmë.”
Sipas Knight, Shakur i bëri të njëjtën kërkesë nënës së tij, dhe Afeni nuk refuzoi si pjesa tjetër e familjes. Ai thotë se ajo i dha ilaçe për të respektuar dëshirën e fundit të reperit.
“Mjekët u përpoqën ta shpëtonin, por mamaja e tij tha: ‘Mos e bëni këtë. Nëse ka komplikacione, mos e prekni, lëreni të shkojë,’” kujton Knight.
Pas vendosjes së Tupacit në koma të induktuar dhe të lidhur me respirator, Knight thotë se dëmi ishte i pashmangshëm. Më 13 shtator, në orën 16:03, Tupac Shakur u shpall i vdekur.
Pas vdekjes, Afeni kërkoi kremtimin e trupit menjëherë. “Ajo më tha: ‘Bëjeni tani,’” pretendon Knight. Ai tregon se u ndalua pasi Tupac kishte përmendur pak javë më parë se dëshironte një funeral me hip‑hop dhe jo krematim. Megjithatë, Knight thotë se përfundoi duke paguar një milion dollarë në dorë për ta realizuar kremtimin.
