Blac Chyna, ka konfirmuar ndarjen nga i fejuari i saj, producenti dhe fituesi i Grammy-t, Derrick Milano.
“Pas shumë lutjesh dhe reflektimesh, Derrick dhe unë kemi vendosur të anulojmë fejesën,” shkroi 37-vjeçarja në Instagram Story të enjten, më 3 korrik.
“E duam njëri-tjetrin thellësisht dhe mbetemi miq të mirë, por besojmë se udhëzimi i Zotit na ka treguar se kjo është rruga e duhur për të dy, ndërsa vazhdojmë rrugëtimin tonë individual,” shtoi ajo. Edhe Milano ndau një deklaratë të ngjashme në profilin e tij në Instagram Story.
Çifti nisi lidhjen në maj 2023 dhe e bëri publike në shtator të po atij viti. Në tetor 2024, Derrick i propozoi Blac Chyna në skenë, gjatë një eventi në Universitetin Howard, në qytetin e saj të lindjes, Uashington D.C., duke e emocionuar publikun dhe të fejuarën e ardhshme me këngën “Let Me Love You” nga Mario.
Në atë kohë, të dy deklaruan për mediat: “S’do të mund të thuash më ‘çift i fuqishëm’ pa përmendur Blac Chyna dhe Derrick Gray!”
Modelja ka dy fëmijë nga lidhjet e mëparshme: djalin King, 12 vjeç, me reperin Tyga, dhe vajzën Dream, 8 vjeçe, me Rob Kardashian.
