Katy Perry u gjend në një moment të frikshëm gjatë turneut të saj “Lifetimes” në Australi, ku pothuajse ra nga një sferë metalike mbi skenë.
Një video e ndarë në rrjetin X tregon momentin kur Perry, 40 vjeç, mban fort shufrat brenda sferës për të mos rrëshqitur dhe rënë poshtë, ndërsa po performonte në Adelaide Entertainment Centre të hënën në mbrëmje. Salla u errësua papritmas dhe anëtarët e stafit të skenës u hodhën menjëherë në ndihmë të këngëtares.
Një fans shkroi: “U tremba shumë.” Ndërsa një tjetër shtoi se Katy u ndihmua të zbresë nga sfera nga sigurimi dhe pas pak kohe performoi përsëri, megjithëse dukej e tronditur gjatë këngës “Nirvana.” Disa fansa komentuan se falë rripave të sigurisë që Perry mbante gjithmonë, ajo shmangu dëmtime serioze.
Perry nisi këtë turne në prill në Meksiko, frymëzuar nga filma si “The Fifth Element” i vitit 1997. Megjithatë, ajo u kritikua për koreografinë dhe fluturimin e saj në hapësirë me Blue Origin, por u mbrojt në rrjetet sociale duke thënë se do të qëndrojë e sinqertë me veten.
Në jetën personale, këngëtarja po kalon një ndarje të bujshme nga aktori Orlando Bloom, me të cilin ka një vajzë 4-vjeçare, Daisy. Burime pranë çiftit thanë se marrëdhënia ishte në krizë para ndarjes.
