Flash

Diddy pagoi për vrasjen e Tupac? Zbulohen detaje

Lapsi.al 1 July 2025
Diddy pagoi për vrasjen e Tupac? Zbulohen detaje

Gati tre dekada pas natës tragjike të 7 shtatorit 1996, kur ikona e hip-hopit Tupac Shakur u qëllua për vdekje  në Las Vegas, rasti i pazgjidhur duket se po hyn më në fund në një fazë vendimtare.

Në makinën BMW 750 të zezë, që drejtohej nga CEO i "Death Row Records", Marion “Suge” Knight, ndodhej edhe vetë Tupac. Pak orë më parë, ata kishin marrë pjesë në një ndeshje boksi të Mike Tyson dhe ishin përfshirë në një përleshje me një anëtar të bandës Crips.

Në një dosje gjyqësore të korrikut 2024, prokurorët e Clark County përshkruajnë në detaje momentin kur një Cadillac e bardhë iu afrua BMW-së së Tupac-ut në këndin e rrugëve Flamingo dhe Koval. Sipas akuzës, Orlando “Baby Lane” Anderson nuk kishte këndin e duhur për të qëlluar, ndaj armën ia dorëzoi shokut të tij të bandës, Deandre “Big Dre” Smith, i cili hapi zjarr me 13 plumba. Tupac u qëllua katër herë dhe ndërroi jetë gjashtë ditë më vonë.

Në shtator 2023, Duane “Keefe D” Davis, një ish-udhëheqës i Crips dhe personi i fundit i gjallë nga makina e atentatit, u arrestua dhe akuzohet si organizatori i sulmit. Ai ka deklaruar më parë në intervista dhe në librin e tij autobiografik se ishte i përfshirë në atentat.

Por zhvillimi më tronditës erdhi me dosjen e 18 korrikut 2024: Davis ka pretenduar që në një intervistë me policinë më 2009, se muzikanti dhe producenti Sean “Diddy” Combs e kishte porositur atentatin ndaj Tupac dhe Suge Knight për 1 milion dollarë. Sipas Davis, Diddy ishte zemëruar nga provokimet publike të Tupac-ut dhe kërkonte “të zhdukte” rivalët e tij.

Suge Knight, i cili aktualisht ndodhet në burg për një vrasje të ndodhur më vonë, foli nga burgu:

“Tupac ishte personi im i preferuar në botë. Ai nuk duhej të vdiste. Një pjesë e imja vdiq atë natë.”

Diddy ka mohuar vazhdimisht çdo përfshirje në vrasje dhe nuk është shpallur asnjëherë zyrtarisht si i dyshuar nga policia e Las Vegasit. Megjithatë, ai përballet aktualisht me akuza të rënda federale për trafikim seksual, shfrytëzim dhe krime të tjera në një çështje të ndarë nga kjo.

Ndërkohë, gjyqi ndaj Keefe D për vrasjen e Tupac është shtyrë për në 9 shkurt 2026. Avokatët e tij mbrojtës pretendojnë se dëshmi të reja mund ta vendosin atë në Los Angeles në kohën e atentatit – 300 milje larg skenës së krimit.

 

Të këshilluara

Brad Pitt thyen rekordet me “F1”

  Filmi më i ri i Brad Pitt, “F1” është zyrtarisht premiera më e suksesshme në karrierën e aktorit. Sipas agjencisë Associated Press, “F1” arkëtoi 55...

20:31

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI