Harry Styles është parë duke u puthur me pasion me një femër misterioze gjatë festivalit Glastonbury në Somerset, Angli, në orët e para të mëngjesit të së shtunës.
Sipas një videoje të siguruar nga The Sun, këngëtari i hitit “Watermelon Sugar” shkëmbeu puthje me brunen me flokë kaçurrela në zonën VIP të festivalit.
“Harry nuk ia ndante sytë asaj vajze dhe mes tyre kishte shumë shkëndija që në momentin që u bashkuan,” – tha një burim për The Sun.
Ish-anëtari i grupit One Direction, besohet të ketë mbërritur në koncert herët në mëngjes me disa miq të tij, përfshirë producentin Kid Harpoon. Sipas dëshmitarëve, vajza misterioze mbërriti pak minuta më vonë.
“Por sapo ajo arriti, ata u bënë pothuajse të pandashëm. Ata dukeshin sikur njiheshin prej kohësh dhe po kalonin për mrekulli”,– shtoi burimi.
Ndërkohë, identiteti i vajzës ende nuk është zbuluar, por nga sjellja e tyre mendohet se nuk ishin të panjohur.
Ky moment vjen vetëm një muaj pasi Styles dhe Russell i dhanë fund lidhjes së tyre njëvjeçare, në maj 2024. Ata thuhet se kaluan një periudhë të vështirë pas pushimeve në Japoni në prill.
Pas ndarjes, aktorja e “Bones and All” është përfolur për një lidhje të mundshme me Michael B. Jordan, pasi u panë së bashku në Londër. Të dy pritet të luajnë në filmin “The Thomas Crown Affair.”
Përpara Russell, Harry ka qenë në lidhje me Olivia Wilde për dy vite, deri në ndarjen e tyre në nëntor 2022.
