Gjykata Kundër Korrupsionit dhe Krimit të Organizuar shpalli para pak çastesh vendimin për verifikimin e masave të sigurimit për 14 te arrestuarit e operacionit “Ura”.
Gjyqtarja Rudina Palloj la në fuqi masat arrest në burg për 11 nga të dyshuarit, ndërsa 3 të tjerë u liruan. Mes tyre është edhe avokati Armand Tragaj të cilit iu ndryshua masa në “detyrim paraqitje.
Në sallën e gjyqit, Tragaj ka kërkuar një masë më të butë sigurie sesa ajo e "arrest në burg".
“Jam i rënduar psikologjikisht dhe vazhdimi i kësaj mase do të rëndojë situatat e mia familjare, ku unë kam me babanë të sëmurë, dhe njerkën e paralizuar, vëllain në psikiatri dhe bashkëshorten me fëmijë të mitur. Për këtë fakt u kërkoj të jem pranë familjes", ka thënë ai.
Në "detyrim paraqitje" u lanë edhe Ervis Deti dhe Bexhet Mema. Megjithatë Deti do të qëndrojë për të paktën 40 ditë në qeli pasi ka një tjetër masë për shkak se Italia kërkon ekstradimin.
Në qeli do të mbeten: Orgest Molla, Altin Morina, Akil Ndrejaku, Musa Koça, Rando Aliu, Sokol Isteri Tatani, Ligor Çombashi, Altin Pjetri, Ervin Zeqiri, Gezim Thartori dhe Alfred Hysa. /LAPSI.al
