Policia njofton se dy persona janë arrestuar në flagrancë pasi dyshohet se kanë fotografuar fletën e votimit gjatë procesit elektoral.
Arrestohet personi i dytë sot në Qarkun e Elbasanit për fotografim vote. Këtë herë personi që fotografoi votën ishte në fshatin Spathar të Librazhdit.
Strukturat e Posaçme për Hetimin e Krimeve Zgjedhore Librazhd, në drejtimin e Prokurorisë së Elbasanit, arrestuan në flagrancë shtetasin M. F., 43 vjeç, për veprën penale “Shkelja e fshehtësisë së votimit”.
Shtetasi M. F., në qendrën e votimit nr 2742, në fshatin Spathar, gjatë procesit të votimit, dyshohet se ka fotografuar fletën e votimit. Sekuestrohet aparati celular i përdorur në këtë rast. Materialet i kaluan Prokurorisë për veprime të mëtejshme.
Një shtetas është vënë në pranga nga Policia e Gjirokastrës për shkelje të ligjit zgjedhor.
30- vjeçari, , dyshohet se ka fotografuar fletën e votimit gjatë procesit të votimit në qendrën e votimit nr. 4165/01, në Këlcyrë, rreth orës 15:00 të ditës së sotme.
Policia dhe Prokuroria po vijojn hetimet për të sqaruar rrethanat e ngjarjes.
