Punonjësit e policisë kufitare të portit të Shëngjinit kanë gjetur një trup të pajetë i cili dyshohet se është një 37-vjeçar nga Fushë-Kruja. Sipas verifikimeve viktima dyshohet se është me inicialet N.Z dhe mbi trupin e tij nuk janë konstatuar shenja dhune apo dëmtime fizike.
Dyshohet se i ndjeri ka humbur jetën si pasojë e mbytjes në det ndërkohë grupi hetimor ka nisur punën për sqarimin e rrethanave të ngjarjes.
"Rreth orës 15:40, në afërsi të Portit të Shëngjinit, punonjësit e Policisë Kufitare të portit kanë konstatuar në afërsi të bregut trupin e pa jetë të një shtetasi. Disa metra larg trupit, shërbimet e Policisë Kufitare kanë konstatuar një mjet lundrues tip Jet Ski.
Nga verifikimet paraprake dyshohet se viktima është shtetasi N. Z., 37 vjeç, banues në Fushë-Krujë. Në trupin e viktimës nuk janë konstatuar shenja dhune apo dëmtime fizike.
Paraprakisht dyshohet se ka humbur jetën si pasojë e mbytjes në det. Grupi hetimor ndodhet në vendngjarje dhe po punon për sqarimin e rrethanave të ngjarjes" - thuhet në njoftimin e policisë. /LAPSI.al
