Michelle Obama ka hedhur poshtë thashethemet për divorc nga Barack duke theksuar se mungesa e saj në disa ngjarje politike dhe personale nuk duhet interpretuar në mënyrë negative.
Çifti, të cilët janë martuar që nga viti 1992 dhe kanë dy fëmijë, kanë mbështetur njëri-tjetrin gjatë karrierave të tyre.
Por pas më shumë se 30 vitesh mbështetje, Michelle, në moshën 61-vjeçare, ka vendosur të ketë një ritëm më të ngadaltë, duke kërkuar të rikthejë qetësinë e saj dhe të bëjë një pauzë nga bota.
"Shumë interesante është që kur unë them 'jo', për shumicën e njerëzve është si 'E kuptoj', dhe jam okay me këtë," tha Michelle në podcastin Work in Progress. "Dhe kjo është ajo që ne si gra shpesh hasim - të zhgënjejmë njerëzit."
"Shtypi shpesh nuk mund të kuptojë që po bëj një zgjedhje për veten time, dhe kanë filluar të mendojnë se ndoshta do të divorcohem nga burri im."
"Por kjo është ajo që shoqëria bën. Ne, në fund të fundit, fillojmë të pyesim 'Po unë, çfarë po bëj? Po për kë po e bëj këtë?' Dhe nëse kjo nuk përputhet me stereotipet që njerëzit mendojnë se duhen, atëherë e etiketojnë si diçka negative dhe të tmerrshme."
Michelle dhe Barack u takuan në vitin 1989 dhe u martuan tre vjet më vonë.
