Camila Cabello bëri së fundmi shaka me mikeshën dhe kolegen e saj të muzikës, Katy Perry, për udhëtimin e saj të famshëm në hapësirë përpara nisjes së turneut "Lifetimes".
Në një video të publikuar në TikTok të mërkurën, Cabello shfaqet në lëvizje të ngadaltë duke mbajtur një fletë me datat e turit të saj të ardhshëm “Yours, C Tour”, ndërsa në sfond luhet kënga “E.T.” e Katy Perry-t.
“Nuk kisha buxhet për të fluturuar në hapësirë për të promovuar turneun tim, ndaj bëra këtë TikTok në vend,” shkruan ajo në video, duke bërë humor me artisten që së fundmi ishte pjesë e një fluturimi në hapësirë me kompaninë Blue Origin. “@KatyPerry hehehe ily”.
[embed]https://www.tiktok.com/@camilacabello/video/7496177951847796010?lang=en[/embed]
Turneu i Cabellos do të përfshijë 18 qytete dhe do të nisë më 21 qershor në Marbella të Spanjës, për të përfunduar më 14 shtator në São Paulo të Brazilit.
Ndërkohë, fansat e saj nuk humbën kohë për ta duartrokitur këtë “thumbim” me nota humori.
“Jo po lëvizte sikur ishte vërtet në hapësirë,” shkroi një ndjekës. “E shkatërrove, vajzë,” tha një tjetër. “Jam duke vdekur nga të qeshurat, referenca për Katy-n ishte e mrekullueshme,” shtoi një fans tjetër.
Nga ana tjetër, Katy Perry udhëtoi në hapësirë më 14 prill së bashku me pesë gra të tjera në një mision historik të Blue Origin.
Gjatë fluturimit të shkurtër prej 11 minutash, ajo madje zbuloi edhe listën e këngëve për turneun e saj “Lifetimes” dhe solli me vete një lule daisy si dedikim për vajzën e saj 4-vjeçare, Daisy Dove.
Megjithëse fluturimi i saj shkaktoi kritika dhe u cilësua si “i papërshtatshëm” dhe “i shkëputur nga realiteti” nga figura si Olivia Munn, Joe Rogan dhe Amy Schumer — madje edhe Wendy’s u përfshi në ironi duke shkruar “A mund ta kthejmë përsëri atje?”
Perry e përqafoi përvojën e saj kozmike në natën e parë të turneut në Mexico City, ku performoi me një kostum futuristik dhe solli në skenë fansa me veshje të NASA-s.
“I kanë quajtur ndonjëherë ëndrrat tuaja të çmendura?” pyeti ajo audiencën, duke u dukur sikur u përgjigjej kritikëve.
