Gwen Stefani ndau këshillën më të mirë që ka marrë ndonjëherë për dashurinë gjatë një paraqitjeje të fundit në “The Drew Barrymore Show.”
“Sigurohu që të kesh një person të tretë,” tha ajo. Teksa e tha këtë, artistja ngriti kokën dhe tregoi me gisht drejt qiellit, duke nënkuptuar Zotin.
Stefani, 55 vjeçe, dhe Shelton, 48, filluan të takoheshin në vitin 2015 pasi u njohën si trajnerë në “The Voice”.
Në atë kohë, të dy ishin sapo të divorcuar — Shelton nga këngëtarja Miranda Lambert, dhe Stefani nga Gavin Rossdale, pas 13 vitesh martesë dhe një tradhtie të dyshuar nga ana e tij me dado-n e fëmijëve të tyre.
Ajo dhe ish-burri kanë tre djem: Kingston (18), Zuma (16), dhe Apollo (11).
Stefani dhe Shelton shpallën fejesën në tetor të vitit 2020, ku ai i propozoi me një unazë diamanti prej tetë karatësh me vlerë rreth 500,000 dollarë. Ata u martuan në korrik të vitit 2021 në një ceremoni intime në fermën e Shelton në Oklahoma.
Në një intervistë vitin e kaluar, Gwen u shpreh se lidhja me Blake i dha “një shans të dytë në jetë” pas divorcit të saj. Ajo shtoi:
“Kur familja ime u shkatërrua, ishte katastrofë. Si mund të ngrihesha sërish? Por Zoti më solli këtë person tjetër për të më dashuruar.”
Ajo gjithashtu tregoi se dashuria e tyre u pasqyrua edhe në këngën e saj “Purple Irises”, frymëzuar nga një ndërtesë e vjetër në pronën e tyre në Oklahoma.
Këngëtarja tha se kënga është për ndjenjën e gjetjes së dashurisë së vërtetë dhe pasiguritë për ta humbur atë.
