Në kuadër të Milano Design Week, një nga bashkëpunimet më të përfolura ishte ai mes IQOS dhe markës së njohur italiane Seletti. Dy brandet sollën një instalacion të veçantë të quajtur Sensorium Piazza, një rikrijim bashkëkohor i piazzas italiane, konceptuar si një hapësirë multisensore dhe në transformim të vazhdueshëm.
Instalacioni u vendos në një nga ambientet më të vizituara të eventit dhe përfaqësonte një bashkim të qartë të dy botëve, teknologjisë dhe dizajnit , për të krijuar një eksperiencë që angazhon shqisat dhe ngacmon mendimin . E ndërtuar për të ndryshuar pamje dhe ndjesi gjatë ditës dhe natës, Sensorium Piazza u përshkrua nga vizitorët si një hapësirë që "ndihej", jo vetëm që shihej.
Sipas përfaqësuesve të IQOS, kjo ekspozitë ishte një shprehje fizike e vlerave që marka përfaqëson: kurioziteti, transformimi, dhe përvoja që shkon përtej të zakonshmes. Instalacioni u ndërtua si një hapësirë që fton njerëzit të ndalojnë, të përjetojnë dhe të lidhen me narrativën e një teknologjie që po ndryshon mënyrën se si jetojmë. Seletti, nga ana tjetër, solli stilin e tij të veçantë artistik, duke e kthyer këtë bashkëpunim në një dialog midis dizajnit ironik dhe qasjeve vizionare të inovacionit.
Sensorium Piazza përfaqësonte gjithashtu përfshirjen e përbashkët të 17 tregjeve ndërkombëtare që morën pjesë në Design Week si pjesë e komunitetit të IQOS. Kjo pjesëmarrje e gjerë u pa si një dëshmi e fuqisë së bashkëpunimit kulturor dhe përfshirjes globale.
Milano Design Week 2025 vazhdoi të mbetet një nga ngjarjet më me ndikim në fushën e dizajnit dhe artit bashkëkohor. “Sensorium Piazza” u konsiderua një ndër instalacionet që solli një përvojë të re, duke rritur pritshmëritë për mënyrën si markat komunikojnë përmes hapësirave artistike. (Artikull Promocional)
