[audio mp3="https://cdnimpuls.com/lapsi.al/wp-content/uploads/2025/01/Vrasja-Vlore-Kristian-Marku.mp3"][/audio]
Një αtentat ndodhi mbrëmjen e kësaj të hëne në autostradën Vlorë - Fier pranë një karburanti, ku një 30-vjeçar u ekzekutuα në afërsi të fshatit Novoselë. Viktimα i identifikuar si Kristian Marku po lëvizte me një makinë tip “Volkswagen”. Në vendin e ngjarjes u gjetën 9 gëzhoja të një pistolete "Glock" ndërsa një gëzhojë u gjet në makinën e viktimës.
Nga hetimet dyshohet se autorët kanë qenë të paktën 3 persona. Ata kanë përdorur një makinë tip "Benz", e cila u gjet e djegur rreth 2 kilometra larg vendit të krimit. Makina e djegur kishte targa të vjedhura të një automjeti tip VW Golf dhe brenda saj nuk është gjetur arma e krimit.
Dyshohet se autorët mund të jenë larguar drejt Fierit duke përdorur rrethrrotullimin e Panajasë. Policia ka sekuestruar kamerat e sigurisë në bizneset afër zonës ku ka ndodhur ngjarja. Nga hetimet është mësuar se autorët e kanë ndjekur duke e qëlluar viktimën për gati 1 kilometër pasi makina e të riut është përplasur disa herë me trafikndarësen në përpjekje për t'u shpëtuar plumbave.
Kush ishte viktima
Kristian Marku alias Kristi Bardhi është nga Mirdita dhe rezulton të jetë nipi i Martin Bardhit (foto poshtë) të vrarë në Rrëshen, në 26 shtator 2023. Ai u qëllua teksa pinte kafe në lokalin e tij ndërsa nga plumbat u plagosën edhe 3 persona.
LEXO EDHE: Atentati në Rrëshen, kush është Martin Bardhi
Autorët e ngjarjes ishin dy persona të maskuar të cilët u larguan me një foristradë e cila u gjet e djegur në fshatin Gziq të Mirditës.
30-vjeçari i ekzekutuar këtë të hënë ka qenë një nga të dyshuarit si autor i vrasjes së atentatit ndaj Saimir Reçit në 26 mars 2023 në Rrëshen të Mirditë. Në atë kohë ai u akuzua për veprat penale "Vrasje me dashje në bashkëpunim mbetur në tentativë" dhe "Mbajta pa leje e armëve të zjarrit dhe municionit luftarak”, por nuk u arrit të provohet përfshirja e tij në këtë ngjarje dhe arriti të fitojë lirinë.
Mes familjeve Bardhi dhe Reçi ka një konflikt të njohur që zgjat prej disa vitesh dhe që ka shkaktuar disa viktima por nuk dihet nëse rasti i fundit kalidhje me këtë konflikt.
3 atentate në 13 ditë
2025 po shënon një bilanc të rëndë për situatën kriminale. Që në 5 janar ishte Shkodra që e nisi përgjakjen e rrugëve. Në fshatin Dragoç u ekzekutua me breshëri plumbash 33-vjeçari Ramazan Mataj.
Pak ditë më pas u arrestuan vëllezërit Arjon dhe Klisman Hasaj. Krimi është marrë përsipër nga Arjoni i cili është shprehur se krimin e kreu për shkak të lidhjes që viktima kishte me motrën e tij duke i shkaktuar asaj dy divorce.
Vrasja e radhës ishte ajo e një biznesmeni 56-vjeçar mbrëmjen e së dielës së 12 janarit në zonën e Pallatit me Shigjeta në Tiranë. Bujar Nasufi u qëllua nga një person i panjohur sapo ndaloi makinën përpara banesës së tij.
Autori i maskuar qëlloi me 6 plumba dhe më pas u largua me një motor të cilin policia e gjeti të djegur. Mbeten mister autorët dhe motivet e këtij krimi. ©LAPSI.al
