Djali i Madonna-s, David Banda ka reaguar ndaj spekulimeve për mirëqenien e tij.
18-vjeçari bëri bujë gjatë fundjavës për pretendimin se po “kërkon” ushqim pasi u largua nga shtëpia miliona dollarëshe e nënës së tij në New York City.
Megjithatë, Banda u tërhoq nga komentet e tij në një deklaratë në Instagram Story që ai ndau të dielën.
“ Për të gjithë të shqetësuarit. Nëna ime më mbështet shumë”, ka shkruar ai. “Ajo më ka mbështetur gjithmonë.” “Jam shumë i lumtur me jetën time dhe nuk po jetoj në rrugë, i uritur,” shtoi Banda.
Gjatë një Live në Instagram, Banda tha se ai dhe e dashura e tij, modelja 21-vjeçare Maria Atuesta, po jetojnë në The Bronx.
"Është bukur të përjetosh orën 9 të natës, të jem i uritur dhe të kuptoj se nuk kam para të mjaftueshme për të marrë ushqim, nuk kemi ushqim të mjaftueshëm në shtëpi dhe po vuajmë për bukë, tha ai
Banda po paguahet 200 dollarë për mësimet e tij të kitarës, të cilat mund të rezervohen në Instagramin e tij. Ai ka bërë para edhe si model. Por të ardhurat e tij nuk janë asgjë në krahasim me të artistes, e cila thuhet se vlen 850 milionë dollarë.
Banda është një nga gjashtë fëmijët e Madonës. Ai ishte foshnjë kur u birësua nga këngëtarja e “Material Girl” me ish-bashkëshortin e saj, Guy Ritchie. Madonna tregoi mbështetje për Bandën dhe aftësitë e tij muzikore në një intervistë të vitit 2019 me British Vogue.
"Ajo që ai ka më shumë se çdo gjë është fokusi dhe vendosmëria," tha ajo. “Jam e sigurt se e ka marrë atë nga unë. Ai është fëmija me të cilin kam më shumë të përbashkëta. Ndihem sikur ai ka më shumë nga ADN-ja ime se çdo fëmijë i mi deri më tani.”/Lapsi.al
