Camila Cabello dhe Shawn Mendes duket se janë ribashkuar pasi u shfaqën të ulur së bashku në finalen e futbollit të Copa América mes Argjentinës dhe Kolumbisë të dielën, 14 korrik.
Ish-ët u panë duke biseduar brenda stadiumit Hard Rock në Miami, Florida, në një video të kapur nga një fans dhe të shpërndarë në X (ish Twitter).
Gjithashtu në Instagram, Cabello dhe Mendes ndanë secili fotografi nga ngjarja.
Këngëtarja e "Havana" më parë ishte në lidhje me Mendes, për dy vjet para se të ndaheshin në vitin 2021. Megjithatë, në prill 2023, të dy ndezën thashethemet e pajtimit kur u panë duke u puthur në Coachella.
Gjatë një interviste në mars 2024 në podcastin Call Her Daddy, Cabello ndau mendimet e saj nëse mendon se është një ide e mirë të rikthehet me një ish, duke thënë: "Unë, personalisht, mendoj se dihet, jam një fanse. Unë e kam mbështetur atë në të kaluarën”.
Artistët u ndanë për herë të dytë në qershor 2023. Në atë kohë, një burim i tha ET, "Ata e provuan, por koha nuk është e duhura për asnjërin prej tyre."
